Arsenal aṭangin Henry a chhuak

Arsene Wenger-a'n team enkawl hna leh TV pundit nih kawp a remtih loh avangin Thierry Henry chuan Arsenal Un-der-18 assistant mana-ger hna chu a kalsan. U18 coach Kwame Ampad kaih-hruaina hnuaiah Gunners captain hlui Tony Adams chuan henry-a hmunruak hi a luah dawn a ni.

Kum 38-a upa Henry hi season tharah Wenger hian U18 team ekawl turin a sawm a, mah se French international hlui hian Sky Sports-ah Tv pundit hna a thawk tel a, Gunners manager hian Euro 2016-a BBC tan pawha lo thawk Henry hi team enkawl hna a thawk dawn a nih chuan TV lama a hna kalsan turin a duh a ni.

Arsenal tan match 377 a khelh aṭanga goal 228 zet khung saktu Henry chuan Wenger-a'n hna thawk tura a sawm chu a tan chawimawina a nih thu a sawi rualin, "Arsene Wenger thutlukna ka zah a, manager Kwame Ampadu leh academy player zawng zawng bakah hnathawkten sea-son thar duhawm tak an hman theih nan duhsakna ka hlan," a ti.

Gunners legend hian team puitling enkawl turin Pro Licence neih tumin a intuaihriam mek a, he licence nei tur chuan club enkawl tur a zawn hmuh vat a ṭul dawn a ni.