Mumbai City-ah Leo Costa a lut

Indian Super League club Mumbai City FC chuan season thar atan Brazilian attacking midfielder Leonardo Fabricio Soares da Costa (Leo Costa) an lalut.

Kum 30-a upa midfielder hian Brazil leh Czech Republic-ah club langsar tak tak tan a lo khel tawh ṭhin a, kum 2014 khan Rio Claro tan a khelh laiin Campeonato Paulista (Sao Paulo state league)-ah goal kua khung-in top scorer a lo ni tawh.

Mumbai City CEO Indranil Das Blah chuan, "Leo Costa hi tlarhma lama minti chak tur player a ni a, international level-a league sang taka khel tawh a nihna hian player ṭha a nihzia chu chiang takin a pholang a ni," tiin an player thar chungchang a sawi.

Hetihlai hian Chennaiyin FC chuan a season thumna atan de-fender Bernard Mendy chu con-tract thar an ziahpui bawk a, I League khelh zawh taka East Bengal tana inlan Mendy hi Chennai club-ah hian an player pawimawh pawl a ni leh ngeiin a rinawm.