League One club hnartu India coach

India coach Stephen Constantine chuan tun hnaiah League One club aṭangin sawmna hmu mah se a back-room staff tur thlan an phal loh avangin a hnar thu a sawi a, India rama cham a thlang.

Kum 53-a upa manager chuan, "Ka ngaihdanah chuan hnung lama kut inphuar sak chunga hnathawk tura insawm ang a ni. England-ah chance ṭha ka neih zen zen ka ring lo a, ka chance neihchhun chu dik tak nise ka duh a ni," tiin an ram club enkawl tura a kir loh chhan a sawifiah.

Rwanda national coach hlui hian a vawi hnih nana India coach hna a chelh hnuah player 28 chu ram tana an match hmasa ber a khelhtir tawh a, player hrang hrang a thlan chhan chu India tana ṭha ber tura team din a duh vang a nih thu a sawi lang.

English manager chuan, "India ramah chuan UK pumpui aia lian zawk state-te pawh an awm a, mah se hmun hma eng-mah an nei lo. Thla khatah a chang chuan player ṭha zawnga vawi 12-14 ka thlawh kual a ngaih chang a awm ṭhin. I League leh ISL-ah ringawt ka rilru ka pe thei lo a, a chhan chu ka hna hi team ṭha zawk din tura lungphum phum hi a nih tlat vang a ni," tiin FIFA ranking-a 163-na ram enkawl chu a hautak thu a sawi.