Balo tan Reds-ah hmun a awm lo

Liverpool manager Jurgen Klopp chuan tlarhma lamah duhthlan tur a ngah avangin AC Milan-a a loan hun hmang zo hlim Mario Balotelli chu club dang zawng turin a hrilh.

Italian striker hian Liver-pool-a beisei a phak loh hnuah season hman zawh takah khan a club hlui Milan chu loan-in a zawm a, mah se Serie A club tan hian match 23-a inlanah goal thum chiah khungin tunah chuan Anfield lamah a kir leh tawh.

Mahse, tlarhma lama duh-thlan tura Daniel Sturridge, Christian Benteke, Divock Origi leh Danny Ings te neitu coach chuan, "Balotelli hi ka titi pui tawh a, tuna a dinhmun dik takah hi chuan player panga nena hmun inchuh tur chi a ni lo. Chuvangin engtin emaw a chinfel dan kan ngaihtuah a ṭul a ni," tiin Manchester City striker hlui chuan a thiamna nei let leh tura a khelh tam theihna tur club a zawn mai a ṭul thu a sawi.