I Day Football-ah 2011 champion Shillong Lajong an tel dawn
2016 Independence Day Celebration Football Tour-nament khel tur a hriat kim ta a, I League club Shillong Lajong FC chu team 10-na an ni.
Kuminah hian Mizoram Premier League club pariat bakah sawm bik AIFF Under 19 leh Lajong ten knockout inelna ngaihhlut I Day Football nomawi an inchuh ang.
Champion lai?
Kum nga liam ta khan Mizo-ram chhunga football club-te tana inelna mumal buatsaih a la ni lo a, Independence Day Football chu inelna ngaihhlut a ni. Mizoram Football Asso-ciation hmalaknain North East club zinga I League khel hmasa ber Shillong Lajong FC leh Meghalaya club ṭha Royal Wahingdoh FC te chah luh an ni a, tualchhung club-in Shillong club an ngam lo!
2011 I Day Football final-ah Lajong-in annmahni ang bawka Shillong club Royal Wahingdoh chu 4-0 in an sawp.
He mi hnu hian I Day Football
ṭum li awm leh tawhin Mizoram Police (2012), Chanmari FC (2013), Dinthar FC (2014) leh Aizawl FC (2015) te champion leh tawh mah se Shillong club an inlan tawh ngai loh avangin tun ṭum hi tualchhung football club-te tan Meghalaya club hmaa fiahna hun ṭha a ni ang.
Thawnthu hlui
Shillong Lajong hi Mizo foot-baller-te chher liantu an ni a, Lammuala nomawi an chawi ṭum hian final-ah Mizo paruk keeper Lalthuammawia, defender pahnih Zohmingliana Ralte leh Lawmzuala Chhak-chhuak, midfielder pahnih Sam-son Ramengmawia leh Lal-ramluaha bakah forward P.C Lalhlimthara te chu inkhel bul
ṭantu zingah an tel a. Lajong squad-ah hian Racy K. Lalremmawia leh Lalchhuanmawia Fanai te chu an tel bawk a, Mizo awmte hi an vaiin team tana player pawimawh vek an ni.
Lajong hian Ramhlun South tlangval Zotea hmangin minute 7-na lekah hma an hruai a, hemi hnu hian Christopher Iyikwobe, Boithang Haokip leh Liberia captain hlui Johnny Menyongar hmanga goal khung belhin Royal Wahingdoh 4-0 in an hneh.
Shillong Lajong hian fi-nal lut turin semifinal-ah Luang-mual FC chu double legged-ah 3-0 ve vein an hneh a, inkhel pahnih belhkhawmah 6-0 in an chak. Kum nga liam ta khan tualchhung club-in I League club hmasa ber Lajong chu inkhel result aṭangin an ngam lo tih phat rual a ni lo.
AFC ngam loh Lajong
Mizoramin I League club Aizawl FC an neih ve takah chuan kumin kum tir khan Shillong Lajong an rawn inlan leh a, February 13 khan RG Stadium-ah Aizawl FC nen goal awm loin an inhnehtawk. Lajong-in Shillong-ah April 1 khan Aizawl FC hi mikhual ve lehin MPL champion hi 3-1 in an sawp a, hei hi season liam taa I League aṭanga AFC relegate-na chhanah a ngaih theih.
Season liam ta khan Shil-long Lajong-in Mizo paruk Zo-dingliana Tochhawng, Lal----rammuana, Jacob Lal-rawng-bawla, Samuel Lalmuan-puia, Joseph Lalfakzuala leh Isak Vanmalsawma te an ziak lut a, I League-a parukna an nihna kawngah Mizo player-te hi an ṭangkai hle.
Lajong an ṭha
Shillong Lajong hian player naupang zawk an ring ngam a, I League champion tur squad nei ngai lo mah se inham tang tur khawpa ṭha player an kawl ziah.
Tunah hian Shillong Premier League atan an inpuahchah
ṭan leh tawh a, I League-a an foreign player pali Uilliams, Fábio Pena, Penn Orji leh Yusuke Yamagata bakah Aibor-lang Khongjee, Robin Gurung, Boithang Haokip leh Kunzang Bhutia te an awm tawh lo.
Amaherawhchu Shillong Premier League-a kum hnih a zawna champion tawh Lajong hi dah hniam theih an la ni chuang lo. Lajong Junior chuan Pathianni khan Tinsukia, Assam-ah Assam State Electri-city Board (ASEB) SC chu 2- 0 a hnehin 8th Bodousa Cup 2016-ah an champion.
Lajong Junior-ah hian bul ṭantu zingah Mizo rawlthar Lalhmangaihsanga a awm a, bench-ah Joe Zoherliana a ṭhu bawk. I Day Football khel tur hian Lajong hian an team ṭha ber an rawn tir dawn a, junior team-a player ṭha bik chauh senior team-ah hian an rawn tel ang.
Shillong Lajong hi Shil-long Premier League leh Under 19 Shillong Premier League champion lai an ni a, 8th Bodousa Cup 2016 an champion leh bawk avangin I Day Football-ah pawh hian champion rinkai an ni phak ang.
Group B lamah
July 25 aṭanga khelh ṭan tur I Day Football-ah team 10 chu group hniha ṭhen hran niin a sang pahnihin semifinal an lut dawn.
Group A-ah champion lai Aizawl FC, Chanmari FC, Chhinga Veng FC, Chamari West FC leh AIFF U-19 te an awm avangin 'Group of Death' tih hmingl em pek an ni. Shillong Lajong an awm takah chuan Bethlehem Vengthlang FC, Dinthar FC, Zo United FC leh Ramhlun North FC te awmna Group B pawh a awlsam dawn lo.
Shillong Lajong hian July 29 hian an match hmasa berah nikum finalist Bethlehem VT FC an hmachhawn ang.
Group inṬhen dan
Group A : Aizawl FC, Chanmari FC, Chhinga Veng FC, Chamari West FC leh AIFF Under 19
Group B : Bethlehem Vengthlang FC, Dinthar FC, Zo United FC, Ramhlun North FC leh Shillong Lajong
* A sang pahnihin semifinal an lut ang.
Fixtures
July 25, Thawhṭanni
12:30 PM Aizawl FC Vs Chanmari FC
02:30 PM Bethlehem VT FC Vs Dinthar FC
July 26, Thawhlehni
12:30 PM Chhinga Veng FC Vs Chanmari West FC
02:30 PM Zo United FC Vs Ramhlun North FC
July 29, Zirtawpni
12:30 PM Shillong Lajong Vs Bethlehem VT FC
02:30 PM AIFF Under 19 Vs Aizawl FC
July 30, Inrinni
12:30 PM Dinthar FC Vs Zo United FC
02:30 PM Chanmari FC Vs Chhinga Veng FC
August 3, Nilaini
12:30 PM Chanmari West FC Vs AIFF Under 19
02:30 PM Ramhlun North FC Vs Shillong Lajong
August 4, Ningani
12:30 PM Aizawl FC FC Vs Chhinga Veng FC
02:30 PM Bethlehem VT Vs Zo United FC
August 5, Zirtawpni
12:30 PM Chanmari FC Vs Chanmari West FC
02:30 PM Dinthar FC Vs Ramhlun North FC
August 6, Inrinni
12:30 PM Zo United FC Vs Shillong Lajong
02:30 PM Chhinga Veng FC Vs AIFF Under 19
August 8, Thawhṭanni
12:30 PM Ramhlun North FC Vs Bethlehem VT FC
02:30 PM Chanmari West FC Vs Aizawl FC FC
August 9, Thawhlehni
12:30 PM Shillong Lajong Vs Dinthar FC
02:30 PM AIFF Under 19 Vs Chanmari FC