India-ah Brazilian legend Ronaldinho

Brazilian legend Ro-naldinho chu India ramah ngei a inkhel lai hmuh theih turin a awm dawn ta - Barcelona harhtharna thlentu ang hiala mi tam takin an ngaih Ronaldinho hi Zirtawpni aṭanga khelh ṭan tur Premier Futsal-ah Goa 5's tan a khel dawn.

AIFF nen inhmuthiam lo mah se Premier Futsal-in khawvel huapa player langsar a hip loh phah lo - Ronaldinho bakah hian khawvel huapa pla-yer lang^-sar tak tak an inlan dawn a, heng zing-ah hian season thum chhung atana contract ziak Barcelona midfielder hlui Deco erawh hliam vangin a inlan thei dawn lo.

Chennai 5's tan Fustal legend Alessandro Rosa Vieira (Falcao) chu an marquee player tur a ni a, Manchester United fans tan chuan Ryan Giggs (Mumbai 5's) leh Paul Scholes (Bengaluru 5's) inkhel hmuh a chakawm a, Michel Salgado (Kochi 5's) leh Hernan Crespo (Kolkata 5's) ten an thiam an la theihnghilh lo tura ngaih a ni.

Premier Futsal hi Chen-nai leh Goa-ah khelh a ni dawn a, Group A leh B-ah ṭhen an ni. Group A-ah hian Chennai, Mumbai leh Kochi awm dunin Group B-ah Goa, Kolkata leh Bangalore an awm thung. Group A leh B-a a sang pahnihin semifinal an lut ang a, July 24-ah final khelh nghal tur a ni ang.