Stefani concert a turu lo

Tunlai zaithiamte concert a ropui a, ticket an hralh zo ṭhak ṭhak ṭhin laiin Gwen Stefani concert erawh chuti tehchiam a ni lo hle.

Gwen Stefani hian "This Is What the Truth Feels Like Tour" chu a ṭan chho a, Thawhlehni zan khan Boston-a Xfinity Centre-ah a concert. He a concert hi chuti tehchiam a hlawhtling lo a, ṭhutna ruak pawh a tam a, entu an tlem avangin a hnuah ticket man tlawmin an zuar ta hial!

Tour buaipuitu hi Live Nation an ni a, an ticket zawrh zawng zawng
aṭanga 30% chauh an hralh a ni. Hei vang hian Live Nation hi an mangang a, ticket man hi USD 40 chauhin an zuar ta a ni. Hei mai bakah hian fan-te chu a thlawnin an luhtir hial. Entu an tam loh avangin entu, hmun hla deuha ṭhute chu a hma lamah an suan thla bawk.