Roca-a'n Barcelona a zawm

Indian Super League club Hyderabad FC coach Albert Roca chuan Barcelona coaching staff zinga tel turin Indian club hi a chhuahsan a, Catalan club-ah hian fitness coach hna a chelh ang. 

ISL leh AFC Cup final-a Bengaluru lo hruai thleng tawhtu Roca hian January khan Hyderabad hi a zawm a, May 2022 thleng contract nei mah se inhriatthiam tawnnain Indian club nen hian an inṭhen ta a ni. 

Kum 57 mi coach hian 2003-2008 inkarah khan Barca assistant coach hna hi a lo chelh tawh a, Frank Rijkaard thachhang dawltu a ni ṭhin. Dutch manager-in Barca chhuahsana Galatasaray leh Saudi Arabia-a enkawl thlengin Roca hi Rijkaard hnuaiah assistant coach-in a awm a ni. 

Roca chuan, "Thutlukna siam harsa tak a ni a, ka chunga rinnga an nghah avangin HFC chungah lawmthu ka sawi a ni," a ti a, Barcelona chuan Hyderabad club chu an coach lakluh an phal avangin lawmthu an hrilh ve bawk.