Messi hi Ronaldo aiin a ṭha zawk - Pele
Brazil Legend Pele chuan Lionel Messi chu Cristiano Ronaldo aiin tun hnaiah a ṭhat zawk thu leh, Messi chu khawvela player ṭha ber a nih thu a sawi.
Kum 27-a upa Argentina leh Barcelona star Messi hian Ballon d'Or ṭum li a dawng tawh a, ani ai a dawng tam an awm lo. Kum 30-a upa Portugal leh Real Madrid star Ronaldo ve thun hian vawi thuma dawng tawh thung a, a tu ve ve pawh hi an nep lo. Khawvel a player ṭha ber pahnih an ni tih chu mi tam ber pawm dan a ni.
Ronaldo hian Manchester United-a a khelh laiin Premier League title vawi thum a chawi bakah Champions League vawi khat a chawi a, Real tam La Liga tiltle leh Champions League title vawi khat ve ve a chawi tawh bawk.
Kum 2004 aṭangin Messi hian Barcelona senior tan a khel ṭan a, a club tan hian La Liga title paruk zet a lak tawh bakah Champions League title pawh ṭum thun a chawi tawh a ni.
World cup vawi thum chawi tawh Pele chuan, "Tun hnaiah Messi leh Ronaldo hi mi tam takin an khaikhin ṭhin. Player ṭha leh ropui an ni a, an khelh dan style a inan loh avangin khaikhin hleih theih an ni lo. Mahse ka ngaihdan chuan tunhnai kum 10 chhung an thlir chuan Messi hi khawvela player ṭha ber a ni," a ti.
Pepe chuan, "Bobby Charlton, Bobby Moore, George Best te hi Messi ang tho a player ṭha an ni. Anni ho ang tho a ṭha hi Brazil-ah Zico leh Rivaldo pawh kan lo nei tawh," tiin a sawi.
Brazilian legend hi Pathianni zana Anfield-ah Liverpool leh Manchester United inkhelh ṭumin guest of honour a ni.