Video technology-in tihsual a veng ang - Referee chief

Premier League-ah referee-te an chefuh reng bik lo a, tihsual chiang fe fe an ngah hle.

Inrinni zana Man­chester City-in West Brom 3-0 an sawp ṭumin referee Neil Swarbrick-a'n defender Craig Dawson aiah Gareth McAuley a hnawhchhuak daih. Swarbrick hian inkhelh banah ngaihdam dil mah se result erawh a danglam phah lo.

Referee chief Mike Riley chuan, "Referee-in thutlukna dik an siam theih nan technology puihna an mamawh a ni. Referee zawng zawngin thutlukna dik tak siam an duh vek a, an siam theih loh chuan anmahni bakah an thawhpuite an ti zak a ni," tiin a sawi.

Riley chuan, "Neil hian match a kaihhruai leh hunah chuan a tihsual aṭanga a inzir a ngai a, referee ṭha zawk a nih phah ang," tiin tawnhriat aṭanga inzir a ṭul thu a sawi.