England squad-ah Coady & Maitland-Niles

UEFA Nations League khel tur England chuan player pahnih an koh belh a, Wolverhampton Wanderers captain Conor Coady leh Arsenal fullback Ainsley Maitland-Niles-te chu squad-ah hian telh an ni. 

Player pahnih tan England senior team squad-a an tel hmasak ber a ni a, age level-ah erawh Coady hian European Under-17 Championship 2010-ah khan captain hna a lo chelh tawh a, Under 20 World Cup 2017-a an champion ṭum khan Maitland-Niles hi a lo tel tawh bawk. 

England player-te hi vawiin hian national team training centre St George's Park-ah an inhmu khawm dawn a, September 5 khian Iceland an lenchilh ang a, September 8 zanah Denmark an lenchilh leh bawk ang. Kum 27 mi Coady hian season hnih chhung chu Wolves tan Premier League minute zawng zawng a khel kim vek a, Maitland-Niles hi Community Shield-a Liverpool an hnehna inkhelah man of the match-a ni a, season hmasa khan inelna hrang hrangah match 32-a khel. 

Manchester United captain Harry Maguire chu Greece rama chawlh an hmanna lamah thubuai a neih avangin England boss Gareth Southgate chuan squad aṭangin a paih leh a, Coady hi Maguire hmun ruak luah tura koh a ni.