West Indies coach thar

Ireland coach Phil Simmons chuan Ireland coach hna bansanin, an ram team West Indies a enkawl dawn ta. Simmons hian kum thum chhung atan contract a sign a ni.

Cricket Ireland chuan March 20 khan thuchhuah siamin kum riat chhung Ireland coach lo ni tawh Simmons chuan Ireland coach hna a chelh lai chu bansanin West Indies a zawm tak thu an puang a ni.

Kum 51-a upa Simmons chuan, "Cricket Ireland in an coach ni tura hun ṭah tak min siam sak avang khan an chungah ka lawm kumkhua tawh dawn a ni. Ireland kalsan hi ka hreh em em a, mahse mahni ram ngei enkawlna hun ṭha ka neih hi ka hnar phal si lo a ni," a ti.

A vanglaia West Indies tan a ODI match 143 lo khel tawh Simmons hian thla thara England nen Test series an khelh turah an ram team hi a kaihruai nghal dawn a ni.

Simmons hian Ire­land a enkawl hma in Zimbabwe a enkawl ṭhin a, Ireland a enkawl hnuin ICC tournament lian tham pasarihah tlin pui in Asso­ciate competition-ah vawi 11 a champion pui bawk a ni.