Riaz leh Watson te hrem an ni

Pakistan pace bowler Wahab Riaz leh Australia all-rounder Shane Watson te chu March 20 a ICC World Cup quarterfinal-a an nungchang mawi loh vangin hrem an ni.

Pakistan leh Australia inkhelh ṭumin player pahnih hi nasa tak in an in tih el a, che zia leh ṭawngkam bawlh­hlawh tak tak hmangin an in tih el a ni. Hei hi cricket thuneitu sang ICC chuan ngaithei loin kum 28-a upa Riaz hi a match fee aṭanga 50 % pawisa chawi turin an hrem a, kum 33-a upa Watson chu match fee aṭangin 15% chawi turin an hrem bawk.

ICC thuchhuak chuan, "Watson khan inkhel enkawl­tu umpire thurawn ngai­pawimawh loin Wahab kha ṭawngkam ngeiawm tak tak hmangin a chhaih buai a, over a vawm zawhin Wahab khan Watson kha va panin ṭawngkam bawlhhlawh tak a hmang ve bawk a ni," a ti.

Match referee Ranjan Ma­dugalle chuan, "Shane leh Wahab kha an in chhaih buai nasa a, inkhel tawp dawn lam­ah phei kha chuan ṭawngkam bawlhhhlawh tak tak hmangin an nungchang kha ngaihzam mai mai theih a ni lo," a ti.

Inkhelh zawhah Wahab leh Shane Watson-te hi in chibaiin an in kuah leh tho a ni.