Emmanuel Emenike a chhuak tau

Fenerbache striker Emmanuel Emenike chu an mahni fans te ngeiin field chhungah an auh el avangin field chhung aṭangin a chhuak tau.

Pathianni zan khan Turkey League-a Fenerbache leh Besiktas te inkhel ṭum in Nigerian striker Emenike chu an fans ten an auh elnasat em avangin an manager hnehah amah chu lachhuak tur a tiin field chung aṭangin kawr phelhin a chhuak. Mahse an manager Ismail Kartal-a'n inkhel chhunzawm leh rih tur a a tih avangin a khel chhunzawm leh.

Nigerian international Emenike hi tun season-ah a khel ṭha rih lo hle a, match 22 a khelh tawh aṭangin goal li chauh a la thun a ni. Fenerbahce hi league-ah pathumna ni mekin Besiktas hi pahnihna an ni mek thung, point khat chauh a inthlau an nih avangin an inkhel boruak hi a sang hle. He inkhelah hian hun tawp hma chiah in Senegal striker Moussa Sow chuan Fenerbache chak na leh he inkhel a goal awmchhun hi a khung.