Alonso kan hmu maithei

McLaren driver Fer­nando Alonso chu pre season test Barcelona-a a chetsual avangin tun season grand prix hmasa ber Australia-ah khan a tlan thei lo a, March 29-a Malaysia grand prix-ah chuan a tel thei tawh beisei a ni.

Cambridge University-ah Alonso hriselna hi kawng hrang hrangin endik a ni a, harsatna nei loin a result a ṭha tawh a ni.

Alonso adviser Luis Garcia Abad chuan, "Thil ṭhenkhat chu mimal thil deuh hlek a nih avangin ka sawichhuah vek a rem lem lo. Mahse kan beisei ang chuan Malaysia-ah hian a tlan theih kan ring," tiin a sawi.

Spaniard, ṭum hnih World champion lo ni tawh Alonso hian tunkar hian Sepang track-ah test drive a nei thei tura ngaih a ni.