India aiawh tur Ramdingliani

World Junior Tae-kwondo Championships (G7) neih turah Ramdingliani chu India aiawhin a inlan dawn, Mizo nula chu 52kg huangah a khel dawn a ni, inelna hi October 1-6 hian South Korea-ah neih tur a ni ang.

August thla khan Chandigard University-ah World Junior Championship khel tur zawnna hi neih a ni a, hemi aṭang hian Ramdingliani hi thlan a ni. May thla khan Champion Of Champions North Zone a lo paltlang tawh bawk.

Ramdingliani hian kum 2018 aṭang khan Chawnpui Taekwondo Club-ah Taekwondo a zir ṭan. Kum 2019 tir lam khan Taekwondo Academy Of Best Friends (TABF) ah a inziak lut a. TABF Instructor Lalinpuia leh Zohmingthanga te enkawlna hnuaiah nasa takin hma a sawn a ni.

Championship a khelnaah chuan gold medal a la zel deuh a. Mizoram Championship 2021 leh 2022 khan gold medal lain Best Fighter a thlan a ni a. Taekwondoist te ngaihhlut Champion of Champions title la thei naupang ber niin, kum 14 mi lek niin Title a la.

Kum 2023 khan SAI National Center of Excellence, Bangalore a zir turin lak a ni a. Tunah NCOE Lucknow-ah a awm mek a ni.