Kawng dik kan zawh mek - Enrique

Ligue 1 team zingah tun season match thum an khelh china chak vek awmchhun chu Paris Saint Germain chauh an ni a, manager Luis Enrique chuan kawng dik an zawh mek tih a sawi.

PSG hian Pathianni zan khan Lille chu 3-1 in an hneh. Paris club tan Vitinha chuan penalty aṭanga goal hmahruai khungin, a hnuah Bradley Barcola leh Randal Kolo Muani ten goal khat ve ve an khung belh bawk.

PSG manager Enrique chuan, "Khualmualah chuan inkhel awlsam hi beisei chi a ni lo, a bik takin Lille mualah chuan thil a harsa dawn tih chu keini pawhin kan hre sa, minute 70 vel thleng phei kha chu a awlsam lo hle.

"A tawp lam minute 20 bawrah khan kan duh angin inkhel kan thunun thei chauh a, chawlhlawk hmain goal hnih khung mah ila goal te khan inkhel a hrilhfiah hran lo.

"Ka naute hi an rilru a huaisen em em a, hun tawp dawna min nawr letna na tak kan lo do let theih dan te khan min ti lawm, champion sawi hun la ni mah se kawng dik kan zawh a ni," a ti.

PSG hian Ligue 1 nomawi chu an chawi leh mai a rinawm, club thuneitu lam lungawina tur erawh Champions League a ni ang, thil awlsam a ni leh dawn bik lo tih a chiang.