Italy-ah Leclerc a chak

Pathianni zan Formula 1 Italian Grand Prix tlan zawh takah Charles Leclerc a chak ber - Ferrari inbengbelna ram a ni a, an team tan chuan hmun danga hnehna chan aiin a hlu zual bik ngei ang.

Italy rama intlansiak turin Ferrari hian theihtawp an chhuah a, an car hi kawng hrang hrangh chi kua ngawtin an siam danglam nia sawi a ni a, rah ṭha pawh a chhuah tih a takin kan hmu.

Leclerc hnungah hian McLaren driver pahnih Oscar Piastri leh Lando Norris te an thleng a, championship lama hmahruaitu Max Verstappen chu paruknaah a thleng thung.

Ferrari car khalhtu Leclerc chuan, "Monaco leh Monza te hian chuan ka thinlungah hmun pawimawh tak an chang a, kum tin mai hian hnehna chan ka chakna hmun a ni, kuminah chutiang ang hun ṭha ka tawng leh thei hi ka lawm," a ti.

Monaco tlangval Leclerc tan hian champion beiseina a awm tawh lo tluk a ni, chutihrualin hnehna chang turin theihna an nei tihna a ni a, atan season thar beiseina a la san phah ngei ang.

Red Bull leh an driver chhuanvawr Verstappen te erawh inenfiah an ngai dawn niin a lang, fal takin hma la hruai thei mah se season hmasa lam nena an chet dan a inthlau a, team dangin an chhaih buai phak ang.

Khawvela car intlansiakna sang ber hi September 15, Pathianni zan hian Baku City Circuit-ah Azerbaijan Grand Prix an tlan leh ang.