Hmeichhe champion Gauff a tla

US Open hmeichhe champion lai Coco Gauff chu Emma Navarro hneh loin fourth round-ah a tla, mipa lamah pawh champion lai Novak Djokovic chu a lo tla tawh bawk a ni.

Nimin zing Arthur Ashe Stadium-a inkhelah, seeded pathumna Gauff hi a che fuh hleithei lo, double fault vawi 19 tehmeuh a neih hnuin 6-3, 4-6, 6-3 in a chak lo, a service ṭha tawk lo a tuar bawk.

Grass court inelna lian Wimbledon an khelh ṭum pawh khan tun ṭuma a ngam loh Navarro bawk hian Gauff hi a lo hneh tawh a, tun hnaiah a ngam lo hle - Navarro hian Wang Yafan hnehtu Paula Badosa a hmachhawn leh ang.

Inkhel dangah Aryna Sabalenka erawh a chak - a zawna vawi li ngawt US Open quarterfinal a luhna ni turin Sabalenka hian Elise Mertens chu 6-2, 6-4 in a hneh a ni.

Belarus nula Sabalaneka hian vawi 41 ngawt mai winners a vaw chhuak a, a ball vuak a na hle tih a chiang. A khingpui hian a service chhuhsak theihna remchang vawi riat hmu mah se a inchhanhim thei vek.

Serena Williams (2016) tih lohah chuan, hmeichhe player zingah Sabalenka hi a zawna US Open quarterfinal vawi li lut leh thei hmasa a ni a, season hmasa khan pahnihna niin, kuminah champion beiseina a nei sang tawh hle.

Hmeichhe world number 1 Iga Swiatek a la dam zel bawk - Polish nula hian tukin hian last 16 a khel ve thung dawn a, seeded 16-na Liudmila Samsonova nen an inhmachhawn ve leh thung dawn a ni.