Chennaiyin coach thar Csaba Laszlo

Indian Super League club Chennaiyin FC chuan season thar atana an coach turin Csaba Laszlo an lalut a, kum 56 mi coach hian Uganda leh Lithuania national team a lo enkawl tawh. Owen Coyle hmun ruak luahtu tur coach hian Uganda a enkawl lai hian FIFA ranking-a 181-na aṭangin 91-na a inhlankaipui a, an ram chanchina a vawi khat nan Nigeria leh Angola a hnehpui hial a ni. 

Hungarian coach hi kum 2004 khan an ram team-ah assistant coach a lo ni tawh a, German legend Lothar Mathaus hnuaiah thawkin Hungary national team an kaihruai dun. Scottish Premiership lamah Hearts (2008-10) a lo enkawl tawh a, a season hmasa berah pathumna nihpuiin Europa League qualifier khel turin a hruai thleng. Mahse, season tharah beisei an phak loh avangin January-ah ban a ni. 

Kum 2017-18 khan Dundee United a enkawl leh a,Dundee hi Scottish Championship-ah pathumna a nihpui.