Gerrard hoin Rangers-in record siam

Steven Gerrard enkawl Rangers chuan Inrinni zan khan Scottish Premiership inkhelah Hamilton Academical chu 2-0 in an hneh a, league match ruk chhung chu a zawnin goal an chhuah ta lo. 

Rangers-in match ruk chhung a zawna goal chhuah loa season bul an ṭan hi Scottish football record a ni a, kum 114 liam ta khan Celtic chuan top flight football-a an match hmasa parukah a zawna vawi ruk goal chhuah loh neiin record an lo siam tawh. 

Hamilton khelmualah Rangers tan Ianis Hagi leh James Tavernier-ten goal khat ve ve an khung a, Rangers hi match ruk an khelh aṭanga point 16 neiin table chung berah an awm mek. Rangers elpui Celtic chu nizan khan an inlan a, anni hi nizan inkhel chhiar tel lohin Rangers aiin match hnihin an khel tlem zawk - match thumah point sarih an nei tawh.