Kaka-a'n 2018 World Cup a thlir

AC Milan player hlui Kaka chuan 2018 World Cup-a Brazil jersey hak a la inbeisei thu a sawi chhuak.

Orlando City marquee player Kaka hian ram tan vawi 89 a inlan tawh a, amaherawhchu 2010 World Cup zawhah vawi 10 chiah a khelh thei. Kum 32-a upa hian Russia rama Brazil tana khelh a la inbeisei cheu.

Kaka chuan, "Kum thum leh a chanve a la awm a, Dunga hian min mamawh phawt chuan ram tana khel turin ka inpeih reng. Ram tana khelh hi ka tan chuan chona a ni," a ti.

2007 Ballon d'Or dawngtu chuan, "Ka bulah fiamthuin 'Chelsea emaw Arsenal emaw tan rawn khel rawh' an ti a, mah se Orlando-ah hian ka hlim a ni," tiin a sawi a. Real Madrid-a amah enkawl tawhtu Jose Mourinho chu a fak zui bawk.