Luis Figo a inringtawk

FIFA presidential candidate Luis Figo chuan May thlaa inthlanna neih hunah president ṭanglai Sepp Blatter chu a elpui phak a beisei thu a sawi.

Portugal star Figo bakah Blatter, Dutch Michael van Praag leh Jordanian Prince Ali bin Al-Hussein te'n president hi an chuh dawn.

Figo chuan, "A eng zawnga thlir ṭhin ka ni a, campaign ka ṭan hnuah inrintawkna ka ngah lehzual. May 29 (Inthlan ni) pual hian mi pawimawh tak tak ka hmu a, kan hmabak hi harsa mah se ka zawm lo. Blatter duh lo candidate pathum kan awm a, FIFA-ah danglamna a awm ngei ka beisei. Football hian thil thar a mamawh a ni," tiin a sawi.

Real Madrid midfielder hlui Figo chuan sawi zelin, "Blatter elpui tur hian pathum aiah pakhat awm zawk se, min tih chuan ka chhang thiam lo. A chhan chu May 29-a thil thleng tur hi kan hre thei lo," a ti.