Bayern Munich tlawhtu zingah Zidane
French coach pasarihte'n German champion Bayern Munich zirchianna an nei a, heng coach zingah hian Zinedine Zidane a tel.
Real Madrid Castilla enkawltu Zidane hi senior team enkawltu Carlo Ancelotti thlak thei tur zinga dah a ni. Real legend Zidane bakah hian Bayern defender hlui Willy Sagnol, Bernard Diomede, Claude Makelele, Claude Le Roy, Franck Thivillier leh Guy Lacombe te'n Bayern training an chhim dawn.
Coach rual hian nimin leh vawiin hian Bayern training an thlir dawn. Pep Guardiola enkawl Bayern hi Bundesliga hmahruaitu an ni a, anmahni hnaih bertu Wolfsburg aiin point 10-in an sang tawh a, UEFA Champions League quarterfinal-ah Porto an hmachhawn ang.