Podolski-a'n hlim a mamawh - Bierhoff

Germany manager Oliver Bierhoff chuan forward Lukas Podolski chuan a hlimna tur club zawn a mamawh thu a sawi.

Bierhoff chuan, "Club lama player harsatna tawkte puih hi kan tih tur a ni. Podolski hian ram tan a thawhhlawk em em a, harsatna tawk a nih chuan puih kan inhuam a ngai a ni. Amah hian theihna nasa tak a awm a, a theihna hmang tura inrintawkna a mamawh a ni," tiin a sawi.

Arsenal forward Podolski hian loan-in Inter Milan-ah a khel mek a, season tawpa a loan hunchhung zawh hunah hian a awm zel dan tur a chiang lo hle.

Euro 96-a Germany champion puitu forward Bierhoff chuan, "Lukas hian club a zawm leh hunah chuan a pawimawhna tur club aiin a hlim theihna tur club a zawn a pawimawh," a ti.

Germany hian zanin hian Australia nen friendly match an khel ang a, Pathianni khian Euro qualifier-ah Georgia an hmachhawn leh ang.