Balotelli kha ka beng dai - Liverpool fan

Pathianni zan inkhelah Liverpool forward Mario Balotelli leh Manchester United defender Chris Smalling te insual inpeih ranin an in ep hman a, Liverpool fan Shaun Lea­therbarrow chuan Italian forward mize chhuah tak tak hmaa a ben daih hman thu a sawi.

Leatherbarrow chuan, "Ka hmuh dan chuan, Smalling khan Mario kha pitch pawnah a dem chhuak a; Mario khan insiam rem nan Smalling-a keah a vuan zui a. Khami hnu khan Mario khan yellow card a hmu tawh a, a insum zo dawn lo tih a lang bawk. Chuvangin a bulah khan 'Insum rawh, inbeng dai la, theihngilh rawh' tiin ka hrilh a, a pawm ve mai bawk," tiin thil thlen dan chungchang a sawi.

Liverpool fan chuan sawi zel, "Feet nga leh inches riata sang chauh ka ni a, ani kha chu palian tak a nih avangin chelh beh pawh kha a harsa a ni. Ka bula ṭhu Peter-a khan min pui a, ani chu police officer niin Anfield-ah pawh inkhelh ṭhenkhatah chuan a duty ṭhin. Thil thleng zawh hnu kha chuan ka bula awmte kha an nui a, ka hnathawh kha ṭha an ti tlang a, Smalling kha kan au el chhhunzawm bawk," tiin a sawi.