Blatter a chhuah a ngai - Gill

FA vice chairman David Gill chuan FIFA thlak theih dan awm­chhun chu president thar neih a ni a ti.

Gill chuan, "FIFA inrelbawl danah inthlak danglamna ṭha tak tak a awm a, mah se ka mimal thlir dan chuan FIFA thlak danglam dan ṭha ber chu president thlak a ni," tiin a ngaihdan tlang takin a sawi.

FA hotu pawimawh chuan sawi chhunzawm­in, "Blatter hian mimal chuan kan inkarah buaina a awm lo. Amaherawhchu Blatter hian president hna hi a chelh reng chuan hmasawnna a awm thei lo. May thlaa inthlan awm tur hi football tan a pawimawh a ni," a ti.

Manchester United chief executive hlui Gill chuan, "A tirah chuan vice president hna chelh ka tum lo, mah se ka ngaihdan ka thlak a ni. FIFA vice president hi hna pawimawh tak a ni a, football thlak danglam nan he hna hi chelh ngei ka tum," tiin FIFA vice president hna chelh a tum thu a sawi.