Diego Costa tel loin Spain

Chelsea striker Diego Costa chuan inhliam vangin Spain Euro 2016 quali-fier-a Ukraine leh friendly match-a Netherlands an hmachhawn hunah a tel thei dawn lo.

Kum 26-a upa Costa hian Hull City nena an inkhelh ṭumin a malpuiah hliam a tuar a, minute 15 khelh tur la awm tihin a aiah Loic Remy luh tir a ni.

Spanish Football Federation thuchhuak chuan tun season-a goal 20 khung tawh Costa chu Chelsea medical team-te enkawl turin London-ah an thawn let tih an puang.

Spain coach Vicente del Bosque chuan Costa aiah Malaga striker kum 21-a upa Juanmi an ko.