Skrtel an hrem

Liverpool defender Martin Skrtel chuan Pathiannia Manchester United an hneh loh ṭumin inkhelh tawp hma hretin United keeper David de Gea a rap lui a, ennawn a nih hnuah match thum khel thei lo tura hrem a ni.

Slovakia international chet dan hi referee Martin Atkinson-a'n hmu lo mah se a chungchang ngaituahtu referee hlui pathumin hnawhchhuah phua an ngaih vek avangin hremna a pumpelh chuang lo.

Skrtel hi khingletna hun pek a ni a, thiam loh a chan chuan second 38 hnu leka red card hmutu captain Steven Gerrard nen Blackburn Rovers (FA Cup quarterfinal replay), Arsenal leh Newcastle United an hmachhawn thei lo ang.