Rilru a pawimawh - Terry

Chelsea captain John Terry chuan player-te rilru huaisen vangin Premier League title an lak a rinthu a sawi.

Pathianni khan Chel­sea hian goal hniha hma an hruai hnuah Hull City an insut tir leh a, amaherawhchu point ruka hma an hruai theih nan Loic Remy goal hmangin hnehna an chang tho.

Terry chuan, "Rilru huaisenna hi kum tam tak chhung kan nei tawh. Hun harsa taka kan chak ṭhin vangin ka lawm hle a ni," tiin kartawpa an chak avanga a lawmthu a sawi.

Chelsea captain chuan sawi zelin, "Tum sang tak nei a, mahni khelmualah point kan chan a, chumi hnuah Champions Lea­gue aṭangin kan tla a. Chumi hunah tak chuan rilru huaisenna a ngai, kan team hian kan mamawh tak chu kan lantir a ni. International break awm hmaa point thu kan hlawhchhuak hi a pawimawh takzet a, inkhelh zawha kan hmel aṭang khan kan hlim tih a chiang," a ti.