Nagaland-ah NSCN-K (Khango) hel 4 man

18th December, 2020

Assam Rifles leh Nagaland police-ten Longleng-a joint operation an neihnaah NSCN-K (Khango) helpawl member pali an man.

Hel pali an mante hi self-styled (SS) major Chinonyi Konyak, SS private Shamli Konyak, SS private Nyakpa Konyak leh SS private Engo Konyak-te an ni.

PRO IGAR (N) chuan thu an dawn bawhzuiin Longleng-ah hian joint operation hi neih a nih tih a sawi a, an mi mante kut aṭang hian sum pe tura midang an vauna ṭhin lehkha bakah pawisa fai Rs 50,000 an man tel bawk. Hel pali leh an thil neih an mante hi Longleng Police station-ah an hlan nghal a ni.