Champion tuma Bayern pantu Hummels

Borussia Dortmund aṭanga Bayern Munich pantu Mats Hummels chuan Bundesliga cham-pion team a zawm chhan chu Champions League nomawi chawi a duh vang a nih thu a sawi.

Germany inter-natio-nal hian Dortmund tan a khelh laiin 2012-13 season khan Jurgen Klopp-a kaihhruaina hnuaiah Champions League final a lo khel tawh a, mah se a club thar Bayern lakah hian nomawi an lo chân tawh a ni.

Hummels chuan, "No-mawi chawi hi ka tuihalna chu a ni. Euro nomawi chawi duhin beiseina sang tak nen Germany kan khel a, mah se kan champion zawh tak lohah chuan ka rilru chu Champions League lamah chiah a awm leh tawh," a ti.

Dortmund captain hlui chuan sawi chhunzawmin, "Champions League nomawi ka chawi theih chuan ka beisei leh duhthusam ram zawng zawng kha ka ti hlawhlting dawn tihna a ni. Bayern hi tun hnaiah Champions League nomawi chawi tura beisei pawl an ni reng ṭhin a, tun season-ah pawh chance kan nei ṭha hle a ni," tiin Champions League nomawi chawi ngei a inbeisei hle.