Anil Kumble-a'n a duh fir

India cricket team coach thar Anil Kumble-a'n team enkawlna kawngah kalphung hautak zawk a duang a, Indian cricketer-te tan a vanglaia spin bowler ṭha ber pawl ni ṭhin hi palzam mai mai theih a ni dawn lo.

Kumble chuan player-te chu team bus a chhuah dawnin a hun takah an nang hman lo a nih chuan dollar 50 (Rs. 3,345) an chawi zel a ngaih tur thu a hrilh a, player-ten massage neih an duh hunah an duh huna ti mai loin tih hun tura ruatah an tih thlap zel a ngai tawh dawn bawk.

Kum 45-a upa Kumble enkawlna hnuaiah India hian an test series hmasa ber chu West Indies nen an khel dawn a, July 21 aṭanga khel ṭanin match li khelin August 18-ah an match hnuhnung ber an khel ang.