FIFA Ranking-ah India 152-na

FIFA chuan ranking thar ber a tichhuak leh ta a, India chuan hmun 11 laia hmasawnin ranking thar berah hian 152-naah a invawrh chho.

South Asian Football Federation huam chhung-ah Afghanistan (150) a sang ber a, Maldives (174) Bangladesh (183), Nepal (188), Bhutan (192), Sri Lanka (193), Pakistan (194) te dinhmun a awhawm bik loh hle.

Argentina chuan Copa America-ah nomawi chawi zo lo mah se pa-khat--na dinhmun an luah chhunzawm zel a, top five-ah inthlak danglam awm loin Belgium, Colombia, Germany leh Chile te chuan an din-hmun pangngai an luah chhunzawm bawk.

Copa America-a bei-sei phak lo zingah Uruguay an tlahniam a, Luis Suarez-a te ram hi hmun thuma tawlh hnungin 12-na an ni a, top ten-ah an lang phak tawh lo. Euro hmang ṭha lo Austria pawh hmun 11 laiin an tawlh hnung a, top ten team nichunga Euro khel kha inelna a zawh meuh chuan 21-na an ni tawh!

Euro nomawi chawi zo hlim Portugal chuan hmun hnih laia hmasawnin Spain an zuan khuam a, parukna dinhmun an luah. Euro 2016 final-ah chak zo lo mah se France-in hmun sawm zetin hma an sawn a, Portugal hnuai chiahah awmin parukna an ni. Gareth Bale-a hoa Euro 2016-a semifinal hial thleng thei Wales chuan 15 laiin hma an sawn ve bawk a, 11-na an ni.

OFC Nations Cup nomawi chawi hlim New Zealand chu hmasawn nasa ber niin 54-in hma an sawn a, 93-na an ni.

Rank Team Rank Team

1 Argentina 12 Uruguay

2 Belgium 13 England

3 Colombia 14 Mexico

4 Germany 150 Afghanistan

5 Chile 152 India

6 Portugal 174 Maldives

7 France 183 Bangladesh

8 Spain 188 Nepal

9 Brazil 192 Bhutan

10 Italy 193 Sri Lanka

11 Wales 194 Pakistan