Player thar lei tum Stoke City

Stoke City chairman Peter Coates chuan Euro 2016 khelh zawh a nih tawh avangin player lakluh tur an melh thuai tur thu a sawi a, rei loteah engkim chinfel thuai a nih theih a beisei thu a sawi chhuak.

Mark Hughes-a en-kawlna hnuaia khel Stoke hian nipui bazarah player thar lakluh an la nei lo. Mahse, Stoke chairman chuan rei lo teah player thar an lakluh thuai tur thu a sawi a ni.

Peter Coates chuan, "Player pahnih khat chu lakluh kan duh a, Euro khelh a nih avang khan kan duh ang pawhin transfer bazar-ah kan che thei lo a, dawh hram hram a ngaih chang a awm ve
ṭhin," tiin an hmanhmawh theih loh thu a sawi.

Stoke City hian Por-tuguese winger Nani an duh thu lo sawi tawh mah se Valencia ngam loin Spanish club lakah hian an chan a, tunah hian West Bromwich Albion striker Saido Berahino leh Egypt winger Ramadan Sobhi te nen sawi zawm mek an ni bawk.

Hetihlai hian Stoke City midfielder Glenn Whelan chuan Britannia Stadium-ah kum khat dang cham turin contract thar a ziak a, Republic of Ireland international kum 32-a upa tan Stoke City-a season kua hun a hmanna tur a ni ang.