India-a hlawhtlin tum Zambrotta

Indian Super League club Delhi Dynamos coach thar Gianluca Zambrotta chuan India-ah hlawhtlinna chhar beiseia a kal thu a sawi a, India chu football ram ṭhang mek a nih avangin tha thawhtu zinga tel ve a chak thu a sawi bawk.

Barcelona, Juventus leh AC Milan tana lo khel tawh Zambrotta chuan, "India ka rawn kal hma khan he hmuna lo khel tawh Marco Materazzi, David Trezeguet, Luis Garcia, Alessandro Del Piero-te ka be vek a, ka tan chuan Italy emaw Europe hmun danga kal leh India kal hi a in ang reng a, ka theihna zawng zawng nen nomawi chawi turin ka bei ang," tiin tih mai mai a tum lo hle.

Italy international hlui chuan sawi chhunzawmin, "Ka tan chuan nakin hun aiin tun hun zel hi a pawimawh zawk a, he hmunah hian he club history thlak danglama nomawi chawi turin ka lo kal a, chu chu kan thil tum lian ber a ni," tiin Indian Super League-ah nomawi chawi ngei an tum thu a sawi.