City aiin Dotrtmund kan chungnung - Watzke

Borussia Dortmund CEO Hans-Joachim Watzke chuan Premier League club Manchester City chuan sum tam tak nei mah se an club chu pla-yer tam takin khelh an châk zawkna a nih thu a sawi.

Season hman zawh taka Bundesliga pahnihna Dortmund hian nipui ba-zarah an player pawimawh Mats Hummels (Bayern Munich) Henrikh Mkhi-taryan (Manchester United) leh Ilkay Gun-dogan (Manchester City) te chan mah se an zam phah lo.

Watzke chuan, "Kan tan chuan hei hi chona phurawm tak a ni zawk. Khawvelah hian club panga vel chu keini aia hausa leh duhawm zawk an awm a, mah se duhawmna ringawt aṭanga kan teh chuan Dortmund hian Manchester City vel hi chu kan khum chiang hle a ni," tiin City aiin player tan an club-a khelh a châkawm zawk a rin thu a sawi.

Dortmund hian season thar atan player hmabak nei êng tak tak paruk ngawt an la tawh. Tlarhnung tichak turin Barcelona aṭangin Marc Bartra (€8m) leh Lorient aṭangin Raphaël Guerreiro (€12m) te an lalut a, midfield tih chak nan Bayern Munich aṭangin Sebastian Rode (€14m) leh Osasuna aṭangin Mikel Merino (€3.75m) te an lalut a, forward-ah Stade Rennais aṭangin Ousmane Dembele (€8m) leh Nordsjælland aṭangin Turkish rawlthar beiseiawm Emre Mor (€9.5m) an la thar bawk. Borussia Dortmund hian team thuam chak nana an pawisa sen tawh zat hi euro maktaduai 50 an tling tawh a, German champion Bayern Munich elpha turin hma an la nasa hle.