2016 MFA Super Cup khelh ṭan a ni ta
Nimin khan Lammual leh RG Stadium, Mual-puiah Samsung 3:16 Plan Solution MFA Super Cup chu khelh ṭan a ni a, ni hmasa berah hian goal 17 a lut nghal.
Inkhel chu
Lammuala inkhel hmasa zawkah All Mizo-ram MFA Under 16 final lut thei khua Kawnpui Venglai chuan Lungleng Venghnuai FC chu Lalrinhlua, Lalbiaknia, Lalramsanga, Lalṭanpuia leh R. Lalramdinthara te goal khat ṭheuh khung hmangin 5-1 in an sawp a, Kawnpui tana goal nga khungtute hi player hran vek an ni.
Inkhel hnuhnung zawkah Vulmawi Khaw-bung chu Hming Hming FC, Zemabawk lakah 3-1 in an chak lo a, Zema-bawk club tan hian K. Lalhruaitluanga, Lalrin-chhana leh David Lalsang-puia ten goal an khung.
RG Stadium, Mual-puiah Red Ribbon Foot-ball-a hming lo chher tawh Tuidam FC chuan Aizawl khawpui chhung team Elim FC, Model Veng chu 3-0 in an sawp.
Ramhlun North FC-in Mizoram Premier League khel turin an inpetling a, an veng chhung inkhelh thiam an la awm tho. Zokings Ramhlun ‘N’ chuan tualchhung football inelnaa team ṭha zinga tel phak ṭhin College Veng chu 3-0 in an hneh.
MPL el pha tur?
MFA Super Cup-ah hian team 66 an tel a, chung zinga team pariat chu MPL club an ni. Mizoram league sang bera khel pha club-te hi Last 16 aṭang chauhin an inlan dawn a, Round of 16 hi I Day Football zawh hnua khelh tur a ni.
Team dang 58 hi District DFA hnuaia club-te an ni a, tunah hian MPL club hmachhawn thei tur club pariat zawng mek a ni.
Aizawl DFA-in first division league mumal a neih hnuah club-ten hma an sawn a, inpuahchahna nei ṭha Mizoram Police, Aizawl FC Academy leh 1st Bn MAP Academy te inlan hunah MFA Super Cup a hmuhnawm zual ang.
Police hi MPL aṭanga tla hlim ni mah se Aizawl FC aṭanga an player pawi-mawh F. Lalrinpuia leh Lalbiakhlua te an neih let leh tawh avangin MPL khing pha turin an
ṭha tawk.
MFA Super Cup en man hi Rs 30 a ni a, vawiin hian Lammual leh RG Stadium-ah khelh chhunzawm a ni ang.
Samsung 3:16 Plan Solution MFA Super Cup
Nimin Inkhel Results
LAMMUAL
Lungleng Venghnuai FC 1 - 5 Kawnpui Venglai GSA
LUN: Lalneihpuia 81'
KAW: Lalrinhlua 10'; Lalbiaknia 35' (P); Lalramsanga 40'; Lalṭanpuia 59'; R. Lalramdinthara 70'
Hming Hming FC, Zemabawk 3 - 1 Vulmawi Khawbung
ZEM: K. Lalhruaitluanga 35'; Lalrinchhana 63'; David Lalsangpuia 86'
VUL: K. Lalmuanzova 41'
RG STADIUM, MUALPUI
Elim FC, Model Veng 0 - 3 Tuidam FC
TUI: Lalnunpuia 21'; Hualthansanga 57'; Ramluahkima 90+2'
Zokings Ramhlun ‘N’ 4 - 0 College Veng FC
ZOK: Lalduhzuala 20'; Lalhriatdika 22'; Johan Lalremruatdika 52'; C. Vanlalruata 88'
LAMMUAL
Vawiin Inkhel Tur
12:00 Noon FC Sihphir Vs Electric Veng
02:00 PM Ramthar FC, Durtlang Vs Hunthar FC
July 16, Inrinni
12:00 Noon Ramthar Veng FC Vs Falkawn FC
02:00 PM Chhiahtlang FC Vs Kanan FC
RG STADIUM, MUALPUI
Vawiin Inkhel Tur
11:00 AM Durtlang FC Vs Keifang FC
1:00 PM Ramhlun FC Vs Kawrtethawveng FC
July 16, Inrinni
11:00 AM Zarkawt FC Vs Valkyries FC, ChhingaVeng
01:00 PM Khatla South FC Vs New Serchhip FC