Davis Cup-ah Djokovic leh Murray chawl

July 15-16 hian 2016 Davis Cup quarterfinal khelh a ni dawn a, he hunah hian world number 1 Novak Djo-kovic leh number 2 Andy Mur-ray te chu chawlh an duh vangin an inlan dawn lo.

Ram leh ram mipa tennis team hmanga inelna Davis Cup hi kumin hi a vawi 105-na niin Great Britain, Serbia, Italy, Argentina, France, Czech Republic, United States leh Croatia ten quarterfinal an lut a, inelna hi best of five hmangin single match li leh double match khat khelh ṭhin a ni.

Champion lai Britain leh Serbia te hi Belgrade, Serbia-ah inhmachhawn tur niin clay court-ah an khel dawn a, Murray leh Djokovic tel dawn lo mah se a hmuhnawm ang.

Kum 29-a upa Murray hian Pathianni zan khan Milos Raonic hnehin a vawi hnih nan Wimbledon champion a ni a, thla leha neih tur Rio Olympic-a inlan chhunzawm a tum bawk - hei vang hian Britain number 1 hian chawlh a mamawh rih.

Britain team captain Leon Smith chuan, "Andy hian an dinhmun a hre chiang a, Olympic leh US Open khelh hmabak a la neih avangin a indim thiam a pawimawh a, kan hriat-thiam pawh a ṭul," tiin an thiam-puipa chuan chawlh a mamawha a hriatthu a sawi.

Serbian thiampuipa Djo-kovic hi ram hmangah tia sawi ṭhin a ni a, an ram tan theih-tawp chhuah ṭhin a ni. Mahse, Grand Slam vawi 12 champion tawh hi Wimbledon 2016 third round-ah service nei ṭha Sam Querrey hneh loin a tla a, Rio Olympic-a inlan a tum avangin infiamna kutpui liana an ram ti hmingṭha thei tura inbuatsaihna hun thawl neih a duh niin a lang.

Grand Slam palia cham-pion kim tawh Djokovic a awm dawn loh takah chuan 2010 Davis Cup champion Ser-bia tan an ram number two Viktor Troicki leh world number 81 Dusan Lajovic te chu an innghahna tur an ni ang.