Higuain-a'n China aṭanga sawmna a hnar

Arsenal nena sawi zawm hlawh mek Gonzalo Higuain chuan China aṭangin sum tam tak hlawh tura sawmna a hmu a, mahse Argentina international hian Chinese Super League club Hebei China Fortune-in kar khata pound 800,000 hlawh tura an sawmna chu a hnar niin khawthlang media-te chuan an tarlang.

Napoli striker hi tun nipui transfer chhunga player sawi hlawh ber a ni chho dawn niin a lang. Serie A club tan hian kum hnih daih contract la nei mah se season hmasa tawp lama pawtsei tura an tihna chu tun thlengin a la hlawhtling lo, hei vang hian club dangin an ngaihven phah niin a ngaih theih - Premier League pahnihna Arse-nal chu thawm nei ring ber an ni mek.

Tun dinhmunah Real Madrid star Cristiano Ronaldo (£288,000) chu kar khat chhunga footballer hlawh hnem ber niin Barcelona thiampuipa Lionel Messi chu (£275,000) pahnihna a ni. CSL club Shanghai SIPG chuan hmanni deuh lawk khan Messi hlawh ang zat hlawh turin Brazil international Hulk an lo lalut tawh! An sum ngah hmachhuana Europe football run mektu China aṭanga Higuain-a'n sawm--na a dawng hi a mak hran lo.

Hebei China Fortune hian Ger-vinho leh Ezequiel Lavezzi te chu sum hmangin thlem thlu thei mah se Serie A top scorer erawhin tun din-hmunah chuan 'sum tamtak aiin hmingṭhat' a thlang zawk niin a lang.