Chelsea-in Kante an duh

Chelsea chuan N’Golo Kante lakluh tumin Leicester City chu pound maktaduai 27-in an dawr a, France international midfielder an lakluh hma chu Juventus hnenah mid-fielder Nemanja Matic chhuahtir an tum lo.

Hetihlai hian Premier League champion hian Kante chelh tumin hma an la ve mek a, contract thar an zawrh mek niin an sawi bawk. French midfielder hian nikum khan pound maktaduai 5.6-in Caen aṭangin Leicester hi a zawm a, kum li chhung atan contract a ziak. Foxes contract thar zawrh hi kum khat dang cham belh theihna a ni a, a hlawh a pung dawn tih chu a chiang bawk.

Chelsea dawrna hmasa pound maktaduai 27 hi chu Foxes in an hnar hmel a, club pahnih an inrem hma chu Serbian midfielder Matic hmalam a chiang lo ang.

London club coach thar Antonio Conte-a'n Marseille aṭangin forward Michy Batshuayi a lalut tawh a, Roma midfielder Radja Nainggolan leh Real Madrid forward Alvaro Morata te chu lakluh a tum niin sawi a awm bawk.