PSG-ah Patrick Kluivert a lut

French Ligue 1 cham-pion Paris St-Germain chuan Nether-lands striker Patrick Kluivert chu director of football atan an ruat. Kum 40-a upa Kluivert hian PSG zawm tur hian Ajax under-19 enkawl hna a thawh mek chu a kalsan a ni.

Netherlands tan vawi 79 inlana goal 40 khung thei Kluivert hian player a nih laiin Ajax, Milan, Barcelona, Newcastle United, Valencia, PSV leh Lille tan a lo khel tawh a, khelmual chhungah tawnhriat a ngah tawh hle. Inkhelh a chawlhsan hnuah Netherlands assis-tant manager hna a chelh tawh a, Curacao national team enkawl hna a thawk tawh bawk.

Euro 2000-a Golden Boot lo dawng tawhtu striker chuan, "Club ro-pui tak ka zawm theih avang hian ka lawm tak--zet a ni. Tumruhna leh inpekna tak tak nen he club hmachhawpte tihlawhtling turin theih-tawp ka chhuah ang. Paris khawpuiah hian tum thuhmun neiin kan lokal a, players leh fan-te beiseina tih hlawhtlin theih ngei ka inbeisei a ni," a ti.

Kluivert chuan a club chhuahsan tak Ajax Am-sterdam hnenah lawm-thu sawi nghalin Dutch club rinna leh duh-sakna avanga tun dinhmun thleng thei a nih thu a sawi.