Bologna-ah Hungary star Nagy

Serie A club Bologna-in Hungarian champion Ferencvaros aṭangin Adam Nagy chu euro maktaduai 1.5 in an lalut a, Hungary midfielder man hi euro maktaduai 1.8-ah a pung chho thei ang.

Euro 2016 khelh zawh takah Hungary-in last 16 an lut a, kum 21-a upa Nagy hian match liah vawi thum inlanin player ṭangkai a ni.

Nagy contract rei zawng hi an puanzar a ni lo. Hungary midfielder hian VisionPro Sports Institute ten footballer chher chhuak tura an project (January 2012-March 2013) siam chu kum 16 a nih laiin a chhim a, Premier League player ropui Ian Wright leh Mark Hughes te kaih-hruaina hnuaiah kum khat chhung a lo tal tawh a ni.

Euro 2016 ṭan hmaa Sports Illustrated magazine-in player beiseiawm 10 a thlan zingah Nagi hi an dah tel a, hming langsar Kingsley Coman, Julian Draxler leh Raphael Guer-reiro te nen huang khatah an dah tihna a ni.

Premier League club Leicester City leh Sou-thampton leh Por-tuguese club Benfica te nen an sawi zawm a, French club Marseille nen phei chuan Euro 2016 hma khan in-remna an nei tawh tiin an ziak. Tunah erawh Nagy khelhna tur a chiang ta, season liam taa Serie A-a 14-na Bologna-ah a khel ang.