Zaninah Ryders leh BCA

Zanin dar 8:00-ah Hawl Indoor Stadium a lun leh dawn - Samsung 3:16 Plan Solution Mizoram Super League-ah Chaltlang Ryders leh Zarkawt BCA an inkhelh dawn vang a ni.

Team pahnih hi in ang lo tak an ni a, Zarkawt hi table chung ber dawttuah an awm laiin Chaltlang Ryders erawh table mawngphah dawttu an ni.

Chaltlang leh Zarkawt BCA-in in anna an neih chu chak zo lo hlim ve ve an nih na hi a ni. Chaltlang hi match li zet chak hmel an hmuh zawh loh hnuah Zarkawt Serpents hnehin an vawikhat chakna an tawng a, an phur ṭan dawn chauha Serpents nen an inkhel thawh hnihnaah chak lo zawkah an ṭang lehnghal. BCA meuh hneh tur chuan an ṭan a ngai viau ang.

Zarkawt BCA in a zawnin MSL team ṭha ber tih ngam Khatla TBL an hneh lo a, zanin hi an tan insiam remna hun ṭha a ni. MSL-ah point hmu sang pahnih in final an khelh dawn vangin BCA in chance an la nei a, champion an tum a nih chuan an inkhelh hmabak la awmah an chak chhoh zel a ngai tawh ang.