De Gea ka rap lui lo - Skrtel

Liverpool defender Martin Skrtel chuan Manchester United goalkeeper De Gea rap lui anga puhna chu a pha a, inkhelh laiin referee in hrem lo mahse FA in match thum khel thei lo tura an hremna chu a pawm thei lo.

Kum 30-a upa Slovakia international chuan De Gea a rah fuh dan chu tihluih ni lo in chetsual vanga thleng a nih thu a sawi a ni. Football Association chuan Skrtel insawifiahna hi an zirchian hnuah hremna hi an kaltlang pui dawn leh dawn loh an tichiang leh ang. Nimin khan thutlukna an tichiang hman tura ngaih a ni a, he chanchin buatsaih a nih lai hian chanchin kimchang kan hre hman lo.

Skrtel hremna hi an kaltlang pui a nih chuan April 4 -a Liverpool in Arsenal an khelh tur te, April 13-a Newcastle United an lo mikhual tur te leh April 8-a FA Cup quarter-final replay Blackburn Rovers nena an khelh turah te a inlan thei dawn lo a ni.