Cech a dinhmun a chiang lo

Chelsea-in keeper ṭha pahnih Thibaut Courtois leh Petr Cech an nei a, first keeper dinhmun chang pha lo Cech chu media lamin chhuah a duh niin an tarlang a. Czech keeper Cech hian Stamford Bridge-a bench-a ṭhut reng a duh bik lo.

Veteran keeper Cech chuan, "Club ngaihdan chu ka hre lo a, keimah bikah Thibaut nena kan thawk dun hi a fuh viauin ka hria. Mahse tuna kan kal dan chuan season khat hi a tawk viauin ka hria, season dang chu ka tlin tawh lo," tiin khelh tam a duh thu a sawi.

Cech chuan sawi chhunzawmin, "Nipuiah ka chhuak dawn tih thawm a ri tam a, hemi chungchang hi club hotute leh manager te nen kan sawi ho anga, ka tana ṭha ber turin thutlukna ka siam ang," tiin a sawi.

Kum 32-a upa Cech hian Chelsea hi Premier League title pathum bakah Champions League nomawi a chawi pui tawh.