Semi-final atan India a inring

Tukin zing dar 9:00-ah India leh Australia in ICC World Cup semi-final hnuhnung zawk an khel dawn a, a chak zawkin South Africa hnehtu New Zealand final-ah an tum dawn.

Australia hi an khelmual Sydney Cric­ket Ground-a khel tur nimahse India batsman Rohit Sharma a zam lo a, "Khawi hmunah pawh inkhel turin kan inpeih tawh a ni. Vawi sarih khelh tawhah wicket 70 la in engtiklai pawhin kan khingpui te kan vawm out reng a, kan hmaah tupawh lo ding se tum turin kan inpeih tawh a ni," a ti.

India tan Sydney Cricket ground hi khel­mual ngainatawm tak a ni hauh lo.

Kum 35 chhungin he khelmualah hian Australia nen vawi 13 ODI an lo khel tawh a, India in vawi khat chiah hnehna an la chang thei a ni.