Roy Hodgson-a tan contract thar

Football Association chairman Greg Dyke chuan kum tharah hian England boss Roy Hodgson-a contract chungchang an sawi pui tur tur thu a sawi. Tuna a contract neihlai hi Euro 2016 France-a neih zawh rualin a tawp tawh dawn a ni.

England hian 2016 European Championship qualifying an khel ṭha rih hle a, an hmatch hmasa pali Switzerland, San Marino, Estonia leh Slovenia an hmachhawnah hnehna chang vek in an group-ah hmahruaitu an ni mek.

Zanin dar 1:15 hian Wembley Stadium-ah 2016 European Championship qualifying-ah Lithuania an lo mikhual leh dawn a ni. An game hnuhnung pali a goal 11 khung thei England team hian striker Harry Kane an neih belh avangin zanin hian beiseina an nei sang hle ang.

Goalkeeper Fraser Forster, striker Daniel Sturridge leh midfielder Adam Lallana te inhliam vanga an inhnuhdawh tawh hnuah Tottenham defender Danny Rose chu hliam avang bawkin a inhnukdawk ve leh.

Kum 67-a upa Hodgson hian 2012 May khan Fabio Capello thlakin England team hi a enkawl ṭan a, beiseina sang tak nen kum 2014 World Cup hruai thleng mah se beisei phak loin group stage pawh paltlang loin an tla nghal.

FA chairman Dyke chuan, "Hodgson nen hian kan inbe pawp reng a, mahse contract chungchang chu kan la sawi ngai lo. Hemi chungchang hi chu nakum lamah kan la sawi ang chu," tiin a sawi.