MIZBA-ah hruaitu thar

Nimin khan Mizoram Boxing Association chuan Ramhlun Sports Complex-ah General Body Meeting & Election an nei a, president-ah Dr Zorammawia, Zar­kawt chu thlan a ni Ge­neral Secretary-ah Dr Lalrozama, Mission Veng­thlang leh Trea­surer-ah Lalsanglura te thlan an ni bawk.

MIZBA GB Meeting & Election-ah hian District pakua aṭangin vote nga ṭheuh neih theih a ni a. District hrang hrang aṭangin member an kal kim a, MIZBA executive committee member vote nen election-ah hian a vaiin vote 70 a tla a ni.

Meeting-ah hian XXXV National Games-a Mizoram aiawh boxing manager Lalhmingmawia chuan a lehkhabu ziah "Hlawhtling Tur Chuan..." tih tlangzarh a ni a, member kal zawng zawngte hnenah a thlawna pek a ni.