Nou Camp-ah Copa del Rey final

May 30-ah Athletic Bilbao leh Barcelona te'n Copa del Rey final an khel dawn a, Real Madrid-in an stadium-a final khelh an phal loh vangin Nou Camp-ah final hi khelh a ni dawn.

Spain rama knockout inelna ngaihhlut Copa del Rey final hi finalist-te rem tihnain neutral ground-ah khelh ṭhin a ni a, mahse club pahnihte hi an inrem thei lo.

Spanish Football Fede­ration chuan meeting a ko a, vote laknaah stadium lar Atletico Madrid stadium Vicente Calderon leh Va­lencia khelmual Mestalla stadium te chu pawm a ni lo a. Real-in an stadium-a khelh an phal loh bawk avangin Barca khelmual Nou Camp leh Athletic stadium San Mames te an buk a, Catalan club an vannei ta a ni.

Mahni stadium-a final khelh hnuhnun ber chu kum 2002 daih tawh kha niin Deportivo la Coruna-in Santiago Bernabeu-ah Real Madrid an hneh.